Ура! Çамрǎк писательсен, поэтсен, драматургсен 15-мěш хут «Букварьтен – илемлě  литературǎна çити» республика конкурсěн иккěмěш тапхǎрě ака уйǎхěн 27-мěшěнче Шупашкар хулинчи Г.С.Лебедев ячěллě наци лицей-интернатěнче иртрě. Пěрремěш тапхǎрта 190 ěçрен 74 ěç суйласа илнě. Пирěн шкулта вěренекен Галина Скворцова та иккěмěш тапхǎра тухма пултарчě. Иккěмěш тапхǎрта ěç 6 секцинче пычě. Галина «Поэзи» секцинче. Вǎл хǎйěн «Лантǎшсем» сǎвва питě илемлě вуласа пачě. Жюри членěсем тата икě сǎвǎ вулама ыйтрěç. Светлана Асамат сǎвǎ çырас ǎсталǎха туптама вěрентрě. Галя 2-мěш вырǎн йышǎнчě, иккěмěш степеньлě диплом илме тивěçлě пулчě. «Тантǎш» хаçатран тата Чǎваш кěнеке издательствинчен парнесем илчě. Пěтěм чун-чěререн пирěн вěренекене çěнтерÿçě пулнǎ ятпа саламлатпǎр! Пур çěрте те ǎнǎçу суатпǎр!