Чǎваш чěлхипе янǎракан сǎвǎ-юрǎсем, юмах-халапсем, ваттисен сǎмахěсем, тупмалли юмахсем илемлě, ǎслǎ, тавçǎруллǎ пулма вěрентеççě. Çак  уява  ирттерме паян пирěн пата тěрлě юмахри геройсем килсе çитрěç. Вěсем уяв интереслě те усǎллǎ ирттěр тесе пире нумай пулǎшрěç (Чикě Старик, Ухмах Иван, Юман паттǎр). Вěсем ачасене тěрлě тупмалли юмах, ваттисен сǎмахě туптарчěç. 6-мěш класс ачисем хаваспах ǎмǎртǎва хутшǎнчěç. Чи тавçǎрулли – Данилов Никита, иккěмěш вырǎна Филиппов Сергейпа Орлов Павел пайларěç. Маттур ачасем!